SERYE NG 2012
PARA SA: KAPARIAN,
RELIHIYOSO AT RELIHIYOSA, LIDER LAIKO AT MGA MANANAMPALATAYA
MULA SA: TANGGAPAN
NG OBISPO
TUNGKOL SA: PAGTUTULUNGAN NG SIMBAHAN AT
PAMAHALAAN SA PAGTUGON SA MGA ALALAHANING PANLIPUNAN
Mga minamahal
na kapatid kay Kristo Hesus,
Humigit
kumulang siyam na buwan na lamang ang ating ipinaghihintay sa pagsapit ng
pagdiriwang ng ika-limampung taon ng pagkakatatag ng ating diocesis. Tulad ng
isang inang nagdadalang-tao, pinaghahandaan natin ng buong pananabik ang masaya
at makabuluhang pagdiriwang ng ating Ginintuang Jubileo sa pamamagitan ng
pagbabalik-tanaw sa yaman ng ating kasaysayan at paggunita sa “abot-abot na
biyaya” (Juan 1:16) ng Diyos sa atin.
Ngayong
Taon ng Paggunita, napakahalagangbalikannatin ang paglalakbay na ating tinahak
bilang isang diocesissa pagharap at pagtugonsa mgaalalahaning panlipunan.Mapalad
ang ating diocesis dahil may mga lingkod-bayan sa ating lalawigan na
nagingkatuwang natin sa ating sama-samang pagtugon sa mga suliranin ng ating
sambayanan.
Noong
nababahala ang marami sa atin dahil sa pagdami at pagsulpot ng mga motel, bahay-aliwan at beerhouse sa ating lalawigan, at sa
pagpapatayo ng casino sa bayan ng San Leonardo, gumawa ang Simbahan ng ilang
mga hakbang bilang pagtupad sa atas na maging Ina at Tagapagturo ng mga
binyagan. Sa pamamagitan ng mga liham pastoral, mga pahayag at pagkilos, ating
ipinakiusap sa mga pinuno ng ating mga pamahalaang lokal na bigyang-pansin ang mga
alalahaning ito na yumuyurak sa dangal ng tao. Sa ating pakikipag-ugnayan at
pakikipag-dayalogo sa kanila, ipinahiwatig natin ang saloobin at paninindigan ng
ating mga mananampalatayapara sa kabutihan ng tao at ng kanyang pamilya.
Bilang
pagkilala sa kanilang paninindigan, ating pasalamatan ang mga namumuno sa ating
pamahalaang lokal na naging katuwang natin na tanggihan ang mga bagay na
makasisira sa buhay at dangal ng tao. Sina Mayor
Elan Nagano at buong Sangguniang Bayan ng San Leonardo, sa pagiging bukas
na nagbigay-daan upang hindi na matuloy ang pagtatayo ng casino. Gayundin si Mayor Santy Austria,sa panininidigang
ipagbawal ang pagtatayo ng beerhouse at
sugalan sa Jaen. Si Mayor Nery Santos,
na ipinagbawal ang pagtatayo ng mga bahay-aliwan sa Talavera.
Pinasasalamatan
din natin ang tatlong kongresista sa ating lalawigan na nakasama natin sa
pagtutol sa RH Bill, sina Congresswoman
Cherry Umali(3rd District),
Congressman Rody Antonino(4th District),
at Congressman Joseph Violago(1st District).
Patuloy
nating ipagdasal ang lahat ng mga lider-lingkod sa ating pamahalaan. Buong
pagmamalasakit nawa nilang itaguyod ang pangkalahatang kabutihan nang hindi
nagsasamantala sa kahinaan at kahirapan ng mga mamamayan. Hinihimok ko rin ang
lahat ng ating mga mananampalataya na inyong itaguyod sa ating mga pamayanan
ang mabuting pamamahalaat matuwid na paglilingkod sa bayan.Sa tulong ng
panalangin ng Birheng Divina Pastora, pagpalain nawa ng Diyos ang ating mga pagsisikap
upang matamo ng ating bansa ang tunay na pagbabago at pag-unlad ng ating
pamayanan.
Nilagdaan
at ipinagkaloob dito sa Tanggapan ng Obispo, Lungsod ng Cabanatuan, ngayong
ika-8 ng Setyembre, taong 2012, sa Kapistahan ng Pagsilang ng Mahal na Birheng
Maria.
+SOFRONIO A. BANCUD, SSS, DD
Obispo ng Cabanatuan
